Претседателот на Ел Салвадор, Најиб Букеље, донесе законски измени со кои се овозможува доживотен затвор за малолетници од 12 години нагоре осудени за тешки кривични дела како убиство, тероризам или силување, пренесе Ројтерс.
Мерките стапуваат во сила на 26 април и следуваат по уставниот амандман одобрен во март. Со нив се укинуваат посебните постапки за лица од 12 до 18 години, но останува можноста за периодично преиспитување на казните.
Обединети нации ја критикуваа реформата, оценувајќи дека ги нарушува правата на децата.
Букеље ги брани мерките, тврдејќи дека претходниот систем им дозволувал на младите криминалци да избегнат казна.
За време на вонредната состојба во земјата се уапсени над 90.000 луѓе, а според хуманитарни организации, најмалку 500 починале во притвор.
Фото: depositphotos
