За сите граѓани на Русија, ништо не е поважно од победата, потребно е земјата да има иднина, изјави заменик-претседателот на Советот за безбедност на Русија и претседател на партијата „Единствена Русија“, Дмитриј Медведев.
„За сите нас сега, за сите граѓани на нашата земја кои ја сакаат нашата земја и веруваат во неа, ништо не е поважно од победата. Тоа е јасно. Но, победата не е неопходна сама по себе, туку за нашата земја да има иднина“, објасни Медведев во говорот по повод разгледувањето на Народната програма на партијата, објавен на неговата страница на социјалната мрежа „ВКонтакте“.
„Специјалната операција ѝ помогна на Русија да види кој е пријател, а кој не, на кого може да се смета, а на кого не може“, изјави функционерот, пренесува Спутник.
Тој процени дека оние кои сега зборуваат негативно против Москва на крајот ќе се вратат назад и ќе почнат да предлагаат разни иницијативи, вклучително и механизми за економска соработка.
