Директорот на ЦИА, Џон Ратклиф, за време на посетата на Москва, ја предупреди Русија да не ги напаѓа сојузниците на НАТО, пишуваат денес „Волстрит журнал“ и „Политико“, повикувајќи се на неименувани извори.
Ратклиф го посети рускиот главен град во вторник, но многу малку се знае за содржината на неговите разговори.
„Политико“ пишува дека директорот на американската разузнавачка агенција предупредил на потенцијална ескалација на војната во Украина, во која би биле вклучени источните сојузници на НАТО во балтичкиот регион. Тој, исто така, го повика Кремљ да ја намали својата воена и финансиска поддршка за Иран, додаваат медиумите.
A convoy with US diplomatic license plates was spotted in Moscow following the arrival of a US military aircraft. At the same time, the Kremlin stated it had no information regarding the aircraft, while Peskov assured that no meetings with US administration representatives were… pic.twitter.com/1VehaaaMe8
— WarTranslated (@wartranslated) August 25, 2026
Што вели Кремљ?
Портпаролот на Кремљ, Дмитриј Песков, потврди дека Ратклиф отпатувал во Москва на разговори „меѓу безбедносните служби“, според руските агенции. Песков, близок соработник на Владимир Путин, нагласи дека рускиот претседател не се сретнал со Американецот.
Оваа посета веројатно била првото патување на Ратклиф во Москва како директор на ЦИА. Последната позната посета на шефот на ЦИА во Русија се случила во 2021 година, кога тогашниот директор Вилијам Барнс отпатувал во Москва и се сретнал со Путин.
Барнс беше испратен од тогашниот американски претседател Џо Бајден за да се обиде да спречи ескалација на конфликтот во Украина.
