Украинската премиерка Јулија Свириденко изјави дека сите земји-членки на ЕУ се согласиле да започнат разговори со Украина и Молдавија за првата група прашања во рамките на нивните преговори за пристапување.
Свириденко изјави на мрежата Икс дека ова е важен чекор кон членството на Украина во Европската Унија и рече дека земјата се приближува кон својата стратешка цел.
Кипар, кој моментално претседава со Советот на ЕУ, објави дека започнале подготовките за формално отворање на преговорите за првата група поглавја од преговорите со Украина и Молдавија.
Овие поглавја опфаќаат прашања од владеењето на правото и демократските стандарди.
Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, кое брои околу 100.000 членови.
Тој претходно нагласи дека решавањето на ова прашање е важен услов за поддршката на Будимпешта за пристапувањето на Украина во ЕУ.
Украина и Молдавија се стремат да станат членки на Европската Унија, пренесува Танјуг.
