Голем пожар избувна во зоната околу Чернобилска нуклеарна централа, а неговата површина во последните 24 часа се зголемила речиси десетпати.
Според Државниот научно-технички центар за нуклеарна и радијациска безбедност на Украина, пожарот во моментов не претставува радијациска закана за населението надвор од зоната на исклучување.
Надлежните соопштија дека постојано ја следат состојбата, движењето на чадот и временските услови, како и можноста за ширење на радиоактивни честички.
Раководителот на лабораторијата за проценка и прогноза на радиоактивни последици, Јуриј Кириленко, изјави дека досегашните моделирања не покажуваат опасност за населението надвор од зоната.
Тој нагласи дека најголем ризик постои за пожарникарите и персоналот кој директно учествува во гаснењето на пожарот, поради можен контакт со чад и радиоактивна прашина.
Fires in the #Chernobyl exclusion zone means bioaccumulated radiation in the trees and vegetation are becoming airborne. Now those radioisotopes from the nuclear disaster reenter the environment, risking mutations in wildlife.
— #ahemNUKE #ahemENVIRO pic.twitter.com/GNO4Fv1eAk https://t.co/YF28EHYnVd— aHEMagain Actual (@aHEMandias) May 9, 2026
Пожарникарите користат специјална заштитна опрема
Според украинските власти, можно е одредено изложување на радијација во самата зона на пожарот, но спасувачките екипи користат специјална заштитна опрема.
Експертите предупредуваат дека поради високите температури и долготрајното горење, чадот и честичките може да се издигнат во повисоките слоеви на атмосферата и да се пренесат на поголеми растојанија.
Во одредени подрачја, радиоактивните честички би можеле краткотрајно да се таложат на земјата преку дожд или прашина.
Massive wildfire burns through Chernobyl exclusion zone following UAV crash in Ukraine 🇺🇦 #ukrainewar #chernobylfire #chernobyl #chernobyldronecrash https://t.co/Mq8bSNHrbi pic.twitter.com/tOOgabNrfn
— boppinmule (@boppinmule) May 10, 2026
Un gran incendio forestal se está propagando por la zona de exclusión de #Chernobyl, causado por el inciente de un drone. Sequía, vientos y minas, dificultan la extinción: Ha deborado ya 1.100 hectáreas. Riesgo evidente de aumento y dispersión de radiaciónhttps://t.co/FgTZ679tvx
— Fernando Durán 🔻☀️💜 (@durolandia) May 9, 2026
Нема зголемена радијација во соседните држави
Украинските експерти наведуваат дека пожарите не создаваат нова радијација, туку можат само да предизвикаат прераспределба на веќе постоечките радиоактивни материи во околината.
Во моментов нема индикации за радијациско загадување надвор од зоната околу Чернобил.
И Латвија соопшти дека не е регистрирано зголемување на нивото на радијација на нејзина територија.
