Во интервју за „Ноје Цирхер Цајтунг“, швајцарскиот историчар Оливер Јенс Шмит нагласи дека српскиот претседател Александар Вучиќ е единствениот лидер во поновата историја кој вешто успева да балансира меѓу големите сили и да води суверена политика, како и дека времето кога ЕУ беше единствениот хегемон е поминато.
Во врска со изјавата на швајцарскиот весник дека Балканот речиси секогаш се става во движење кога се менува системот на големите сили во кој е интегриран, потсетувајќи дека тоа било случај со слабеењето на Отоманската империја, кризата на Австро-Унгарија или крајот на Студената војна, Шмит вели дека најповолната ситуација за регионалните владетели е кога големите сили се натпреваруваат едни со други на Балканот и објаснува:
„Ова им дава простор за маневрирање. Најнеповолната ситуација е кога има еден хегемон, како што беше Европската Унија накратко на почетокот на овој век. Тоа време помина и денес Брисел има конкуренција од Кина, Соединетите Американски Држави и Русија. Вучиќ го користи ова многу вешто, балансирајќи меѓу овие сили“, рече Шмит.
Тој истакна дека на стереотипите можат да веруваат само оние кои не го познаваат доволно добро Балканот.
