На пазарот излегуваат сè поголем број модели на паметни очила, кои наскоро би можеле да ги заменат паметните телефони.
Паметните очила со дополнителни функции, кои пред неколку години изгледаа футуристички, сега стануваат практични уреди за комуникација, навигација, следење на фитнесот, гледање филмови и играње видео игри, а извршниот директор на „Мета“, Марк Цукерберг, изјави дека овие уреди би можеле да ги заменат паметните телефони во следната деценија.
На пазарот има сè повеќе модели и функции, а порталот Tech Crunch објави листа на очила што ги смета за идеални за празнично пазарување.
Моделот Ray-Ban Meta Gen 2 изгледа како обични очила, но нуди камера од 12 мегапиксели (MP), отворени звучници и пет микрофони, заедно со 3K Ultra HD видео, 32GB меморија и IPX4 отпорност на вода.
Цената на овие очила е 379 долари, а батеријата трае до осум часа со брзо полнење.
Viture Luma Pro има Sony micro OLED дисплеј кој испорачува јасна слика од 1.200 пиксели на виртуелен екран од 152 инчи, брзина на освежување од 120 херци (Hz), широко видно поле од 52 степени и осветленост до 1.000 нити, сето тоа за 499 долари.
Xreal One Pro има резолуција од 1.080 пиксели и виртуелен екран од 171 инчи, Bose звучници, X1 чип и следење на главата за стабилен приказ на виртуелна содржина, а чини 649 долари.
Oakley Meta Vanguard е идеален за спортисти, со 3K видео, широкоаголна камера, IP67 отпорност на прашина и вода и дополнителна батерија во куќиштето, за 499 долари.
За почетници кои сакаат да заштедат пари, се препорачува RayNeo Air со резолуција од 1.080 пиксели, виртуелен екран со дијагонала од 201 инчи, брзина на освежување од 120 херци, а за овој уред треба да издвојат 269 долари.
На пазарот се очекуваат нови модели на паметни очила во 2026 година, вклучувајќи ги Google-Xreal Aura, Snap Specs и Apple AI паметните очила, кои ветуваат уште полесни, подискретни и пофункционални уреди со AR и AI технологии.
