Американската платформа YouTube воведе функција за додавање синхронизација на видеата, така што милиони креатори на содржини сега можат да допрат до поширока публика.
Функцијата, која беше лансирана по двегодишен пилот-проект, се очекува да се воведе глобално во наредните недели, објавува Tech Crunch.
Пред две години, само одбрани креатори, вклучувајќи го познатиот готвач Џејми Оливер и научниот застапник Марк Роберт, можеа да ја користат функцијата.
Првично, креаторите мораа да користат алатки за синхронизација од трети страни, сè додека YouTube не воведе алатка за автоматска синхронизација со вештачка интелигенција, напојувана од технологијата Google Gemini, која ги имитира тонот и емоциите на креаторот.
Во просек, креаторите кои додадоа аудио на повеќе јазици забележаа зголемување од 25 проценти на прегледите надвор од примарниот јазик на видеото. YouTube каналот на Џејми Оливер дури и ги зголеми своите прегледи тројно откако беше воведена функцијата, потсетува технолошкиот портал.
