Ниту еден моден настан не е целосен без прекрасната Хајди Клум; таа неодамна во Париз покажа како точно се носи гламурозен црн фустан со длабоко деколте.
Париската недела на модата продолжува да привлекува ѕвезди од различни уметнички сфери, а оваа година на ревијата на брендот за убавина „L’Oréal“ се појавија неколку познати личности. Хајди Клум не ја пропушти можноста да заблеска на пистата, докажувајќи дека некогашните врвни манекенки од 90-тите сè уште го привлекуваат вниманието на јавноста.
За оваа пригода, таа избра припиен фустан што го спојува класичниот гламур со впечатлив крој – видлив како во горниот дел, така и во здолништето. Дизајнот се одликува со висок шлиц и уште подлабоко деколте, кои ги истакнуваат прекрасните облини на Хајди.
Манекенката го надополни својот изглед со впечатлива, темна шминка и ја остави косата слободно да паѓа по грбот. Таа сподели фотографии и видео на интернет, добивајќи многубројни коментари и пофалби на Инстаграм за својот фасцинантен изглед.
„Изгледаш прекрасно“, „Ја обожавам твојата самодоверба на пистата“ и „Кралицата повторно доминира“ беа само дел од коментарите…
