Никол Шерцингер неодамна на социјалните мрежи му покажа на светот уште едно секси издание. Судејќи според коментарите, таа многумина воодушеви со својот моден избор.
Никол Шерцингер привлекува внимание каде и да се појави. Впечатливите модни комбинации се нејзин заштитен знак, а таа често носи креации што ја истакнуваат нејзината природна убавина. За беспрекорен изглед, таа често избира гламурозни фустани што потсетуваат на холивудските диви, додека црниот фустан е нејзиниот прв избор за специјални пригоди кога сака да ја истакне својата секси страна.
Сега, на Инстаграм – каде што редовно објавува фотографии од своите модни избори – таа претстави впечатлива комбинација придружена со секси поза.
За ова фотографирање, таа носеше тесен црн фустан од дизајнерот Мајкл Костело, кој се одликува со отворен грб и интересен детал на горниот дел: проѕирен дел што ја открива нејзината витка фигура, а истовремено го истакнува деколтето.
Изгледот го заокружи со „разбушавена“ пунџа, дискретен накит и шминка во нежни, земјени тонови.
Серијата фотографии го привлече вниманието на корисниците на Инстаграм, при што мнозинството ја опсипа со комплименти за нејзиниот изглед.
