Хајди Клум се појави во впечатлива креација на Вивиен Вествуд на Модната недела во Париз, но нејзината придружничка беше таа што навистина го привлече вниманието на јавноста – воодушевувајќи многумина со овој потег.
Хајди Клум веќе некое време престојува во Париз поради Модната недела, настан што привлекува бројни ѕвезди од светот на забавата. Претходно ја видовме славната германска манекенка на модната ревија на „Лореал“, каде што доминираше на пистата со својот сензуален од, а сега повторно го привлече вниманието на светската јавност.
За ревијата на Вивиен Вествуд, таа избра впечатлива комбинација што го следеше нејзиното тело и ја истакнуваше нејзината витка фигура.
Облеката вклучуваше уникатно парче од дизајнерката кое ја спојува класичната елеганција со модерниот гламур, давајќи му опуштен шмек на целокупниот изглед. Хајди носеше макси-здолниште со крој „сирена“ во комбинација со сако со нагласени, големи раменици.
Косата ја стилизираше во благи бранови што паѓаа преку нејзините раменици и се одлучи за потемни тонови на шминка за да постигне естетика на „темен гламур“.
Сепак, вистинското изненадување беше нејзината придружничка: нејзината 16-годишна ќерка, Лу Самјуел, која ја доби со музичарот Сил. За оваа пригода, Лу избра комбинација што ги истакна нејзината фигура и витките нозе.
Конкретно, таа се одлучи за краток фустан-корсет од Вивиен Вествуд. Изгледот го надополни со високи потпетици и шминка во неутрални тонови.
Мајката и ќерката беа одлично расположени за време на ревијата, поздравувајќи ги собраните фотографи со блескави насмевки, а сите забележаа една работа – ќерката е неверојатно убава…
