Џенифер Лопез стана редовен гостин во првите редови на модните ревии во Париз, иако на почетокот имаше судир со присутните новинари.
Латино дивата Џенифер Лопез блесна на Париската недела на модата, иако овојпат ја пропушти самата ревија на пистата. Сепак, тоа не ја спречи да се појави во гламурозно издание – по непријатната средба со папараците во француската престолнина.
Џеј-Ло заблеска на хуманитарна гала-вечер организирана од здружението „Naked Heart France“. Актерката и пејачка пристигна во смел кафеав фустан со целосно отворен грб и драматичен шлиц што се протегаше високо по нејзиниот бут, додека позираше пред фотографите на настанот.
Џенифер го комплетираше изгледот со црни чевли со отворени прсти и мала чанта. Меѓу гостите беа и други големи имиња од светот на модата, вклучително и Стела Макартни, пренесува „Дејли мејл“.
Организацијата „Naked Heart France“ е основана од манекенката Наталија Водјанова и работи на подобрување на квалитетот на живот на лицата со аутизам и нивните семејства во Франција.
Париската недела на модата започна во понеделникот, а овогодишното издание е посветено на женската мода за сезоната пролет/лето 2027 година.
