Софија Вергара само излезе на сцената на доделувањето на наградите „Еми“ и во тој миг сè друго стана неважно.
Воодушевувачката актерка Софија Вергара се појави на сцената на „Еми“ наградите во розов фустан без прерамки, покриен со розови светки. Публиката беше буквално маѓепсана од изгледот на темпераментната Колумбијка, иако таа не се појави на самиот црвен тепих.
Кројот што ја следи линијата на телото несомнено најдобро ѝ прилега на актерката, поради што ја гледаме во сличен стил на речиси секој црвен тепих. Самата Софија зборуваше за ова уште во 2013 година во интервју за списанието *Glamour*.
„Зошто би отстапила од она што ми стои добро? Сум пробала милион други кроеви, но секогаш се враќам на овој. Важно е да знаете што ви прилега. Јас не сум модел. Јас сум актерка и сакам да се чувствувам најдобро на црвениот тепих, па затоа ги избирам работите што ги сакам.“
Истата година, таа изјави за Vogue: „Клучот за мојата фигура е кроењето и прилагодувањето. Повеќе пари трошам на преправки и дотерување на облеката отколку на самите парчиња.“
И навистина, зошто би се откажала од нешто што ѝ стои толку совршено и ги воодушевува сите нејзини обожаватели? Софија Вергара повторно ги маѓепса сите со своите раскошни облини, кои со децении се нејзин заштитен знак.
