Доколку сте расположени за голема промена на убавината, имаме одличен предлог – носете ванила боја, а ова лето ќе биде во знакот на русата коса.
Ванилата можеби не е најлесната боја за одржување, но создава вистински ефект на „wow“ и го носи потребното освежување. Според „Glamour“, по периодот во кој многумина го поминуваа поголемиот дел од времето дома, многумина посакаа големо освежување и фризури или бои за коса што им го креваат расположението.
Една таква боја е ванилата, која се најавува како голем летен хит, а ја забележавме кај моделот Габриела Борхес, на која фантастично ѝ стои.
Зад нијансата е бразилскиот експерт за русокоси Ромео Фелипе, а бојата е мешавина од ладни подтонови и топли тонови. Со оваа боја на коса, корените се исто така малку потемни, додека краевите се светли.
Всушност, станува збор за трансформација на бојата на косата што може да му помогне на секого да ја освежи својата постоечка фризура и да го промени својот имиџ за новата сезона што претстои.
Треба да се напомене дека ова е фризура која не е лесна за одржување, и бара почести посети на фризерски салон отколку сите техники и нијанси на боење кои се популарни во последно време. На пример, Ромео работел 12 часа за да ја создаде бојата што ја има моделот Габриела Борхес.
