Алехандра Силва Гир му го честиташе 77. роденден на својот сопруг Ричард Гир со емотивна објава на „Инстаграм“. Актерот го прослави роденденот во понеделникот, на 31 август, а 43-годишната Силва следниот ден објави неколку фотографии од семејната прослава.
На една од фотографиите Гир и Силва носат роденденски капи и се прегрнуваат, додека кон нив трча нивниот шестгодишен син Џејмс. На друга фотографија целото семејство е прегрнато, а Гир се насмевнува кон камерата.
View this post on Instagram
„Не постои никој со кого повеќе би сакала да го поминам животот. Среќен роденден, те сакам, те сакаме“, напиша Силва. Гир ја сподели нејзината честитка на својата приказна на Инстаграм и кратко порача: „Те сакам“.
Гир и Силва го имаат и седумгодишниот син Александер. Актерот од бракот со Кери Лоуел го има 26-годишниот син Хомер, додека Силва од бракот со Говинд Фридланд го има 13-годишниот син Алберт.
Минатата година Силва, исто така, го одбележа роденденот на Гир со фотографии од нивниот дом во Шпанија, каде што славеле опкружени со семејството и пријателите.
Неколку дена пред 77. роденден на актерот, неговиот син Хомер откри еден од најважните совети што ги добил од татко му. Тој рече дека Гир го научил дека по работата треба да се оди дома и дека глумата не треба да биде начин на живот, туку работа.
