Пред само неколку години, Џули Боуен изјави дека се „повлекува“ од светот на состаноците, но сепак сега пронашла ново момче.
Актерката од серијата Modern Family, Џули Боуен (56), присуствуваше на доделувањето на наградите „Step Up Inspiration“ во Лос Анџелес, каде што ексклузивно за списанието People откри дека има ново момче.
„Имам прекрасен пријател“, рече Боуен, иако засега не сака да го открие неговиот идентитет.
Таа го опиша своето момче како „паметно и забавно“, додавајќи: „Ми требаат интелигенција и хумор. Тоа се двете особини што ги барам кај партнерот“.
„Не ми е важно како изгледаат луѓето – иако, случајно, тој е згоден. Но, изгледот навистина не ми е важен. Ме привлекува интелигенцијата“.
Боуен претходно беше во брак со Скот Филипс. Тие се венчаа во септември 2004 година и се разделија по 13 години брак; нивниот развод беше финализиран во септември 2018 година. Боуен и Филипс – кој работи со инвестиции во недвижнини – имаат три сина: Оливер (19) и 17-годишните близнаци Густав и Џон.
Иако по разводот постојано велеше дека завршила со состаноците и дека нема намера повторно да излегува со мажи, се чини дека таа го прекршила сопственото правило…
