Џесика Бил напорно работеше на промоцијата на својот нов филм, а притоа прикажа и инспиративни модни изданија.
Актерката Џесика Бил (44) присуствуваше на њујоршката премиера на филмот Matchbox the Movie во елегантна црна комбинација од модната куќа Dolce & Gabbana.
Бил носеше кроен црн сако-фустан со длабоко деколте, искомбиниран со долго, проѕирно црно здолниште што допираше до подот.
Таа го заокружи изгледот со раскошни висечки обетки и екстра долги екстензии за коса, стилизирани во бранови инспирирани од изгледот на сирена.
Нејзиниот фризер, Адир Абергел, за магазинот People изјави дека користел екстензии со должина меѓу 56 и 61 сантиметар.
„Целта беше драматична промена која сепак изгледаше сосема природно и уверливо – како таа да ја пуштала косата да расте цело лето“, објасни тој.
Интересно е што Џесика не носеше друг накит за оваа пригода. Според Page Six, актерката избрала обетки со вредност од 125.000 евра, од кои секоја била украсена со 41 дијамант.
Ова е прв филм на Џесика Бил по остварувањето Shock and Awe од 2017 година. Во меѓувреме, актерката – која има два сина, Сајлас и Финеас, со сопругот Џастин Тимберлејк – се појави во серии како BoJack Horseman, Limetown, Candy и The Better Sister.
