Актерката Кејли Куоко, која го очекува своето второ дете со свршеникот Том Пелфри, објави хумористична фотографија на Инстаграм. На неа, таа седи на кревет и јаде торта од сад што го држи врз трудничкиот стомак.
„А во меѓувреме, јас…“ – напиша 40-годишната Куоко покрај фотографијата.
Пред тоа, таа сподели видео од нејзиниот свршеник, 44-годишниот Пелфри, како си игра со нивната тригодишна ќерка Матилда. Двојката во јуни објави дека очекува уште едно девојче. Куоко ја потврди свршувачката со ѕвездата на серијата „Task“ во август 2024 година.
Куоко го покажа својот труднички стомак и во средината на септември на доделувањето на наградите „Еми“, каде што се појави во розов фустан од дизајнерот Кристијан Сириано. Тоа беше особено емотивна вечер за двојката, бидејќи Пелфри ја освои наградата „Еми“ за најдобар спореден актер за улогата во серијата „Task“.
Во својот говор, тој ѝ се заблагодари на Куоко и го спомна нивното семејство. „Ве сакам повеќе од сè, а нашето семејство е најголемата радост во мојот живот“, рече Пелфри од сцената. „Матилда, тато те сака. А и ти, малечко во стомакот, тато те сака. Ви благодарам.“
