Дилан Спраус и неговата сопруга Барбара Палвин го открија името на нивната ќерка. Неколку дена откако објавија дека станале родители, актерот откри дека на девојчето му го дале името Силви.
Силви е француска варијанта на името Силвија и е поврзана со латинскиот збор „silva“, што значи шума. Во последниве години тоа име стана популарно во земјите од англиското говорно подрачје.
Спраус за првите денови од татковството
Поранешната ѕвезда на серијата на Дизни, The Suite Life of Zack & Cody, зборуваше за доаѓањето на својата ќерка во подкастот Wildmen, кој го води заедно со Брендан Колумбус.
„Има моменти кога гледам во Силви и си помислувам: ‘Ова е најдоброто нешто на светот’“, рече актерот.
Тој ја опиша секојдневната рутина со новороденче, признавајќи дека искуството е истовремено прекрасно и хаотично.
„Деведесет проценти од времето, тоа е како да имаш мало мајмунче за миленик. Постојано испушта звуци, врши нужда, испушта гасови, подригнува и ика“, се пошегува тој.
„Не очекував дека толку многу ќе ми се допадне.“
Спраус исто така изјави дека е изненаден од тоа колку ужива во улогата на татко на девојче.
„Не очекував дека толку многу ќе уживам да ја облекувам во слатки комбинации. Таа е толку слатка“, рече тој.
Тој додаде дека е особено фасциниран од тоа колку брзо бебето учи и го открива светот околу себе.
Спраус (34) и Палвин (32) – еден од најпознатите унгарски модели – стапија во брак во 2023 година, а Силви е нивното прво дете.
