Ако постои едно парче облека што е неопходен дел од веројатно секој гардеробер, тогаш тоа се фармерките. Зошто?
Без разлика дали ги носиме со убаво сако, едноставна маичка или елегантна блуза, фармерките се парче што има моќ да ја поврзе целата комбинација и да ја направи одлична.
Но, како и со секое парче облека, најпопуларните модели се менуваат од сезона во сезона. И ако им верувате на модните експерти, опцијата со која нема да погрешите оваа есен се темно сините фармерки, а колку потемни толку подобро.
Модните експерти велат дека темно сините фармерки се најстилските фармерки, благодарение на кои секое есенско издание ќе биде 10/10.
Ова се фармерки што можат да бидат дел од секојдневните, но и поформалните комбинации.
Богата темно сина нијанса носи со себе доза на софистицираност, па затоа овие модели се омилен избор на сите жени кои ги сакаат безвременските класици.
Освен што се елегантни и софистицирани, темната боја ги прави овие фармерки да изгледаат „уредно“, визуелно издолжувајќи ја фигурата, погодни за разни пригоди и никогаш не излегуваат од мода.
Што се однесува до кројот – изберете ја опцијата што најмногу ви одговара. Потесните модели и моделите со пошироки ногавици изгледаат подеднакво елегантно.
фото: принтскрин
