Анџелина Џоли неодамна во интервју за странски медиуми откри дека не била во романтична врска откако се разведе од актерот Бред Пит.
Анџелина Џоли разговараше со Yahoo Entertainment за својата актерска и режисерска кариера, но се осврна и на својот приватен живот. Актерката откри дека по разводот од Бред Пит, не била во романтична врска.
„Искрено, не сум била во врска ниту излегувам откако се разведов пред десет години“, рече таа. „Некако си реков дека тој дел од мене не е центар на мојот живот додека сум фокусирана на моите деца и семејство.“
Џоли поднесе барање за развод од Пит во 2016 година, наведувајќи инцидент што се случил за време на приватен лет. Таа тврдеше дека Пит бил насилен кон децата и неа за време на летот.
Поранешните сопружници водеа осумгодишна правна битка пред разводот да биде финализиран во декември 2024 година. Тие имаат шест деца заедно, но не се во најдобри односи со својот познат татко.
Промена на кариерата и враќање на борбениот дух
Пред да се омажи за Пит, Џоли беше во брак со Били Боб Торнтон и Џони Ли Милер. Таа неодамна изјави за „Варајети“ дека нејзината кариера тргнала во нов правец по разводот.
„Престанав да глумам пред разводот. Бев фокусирана на режијата и мислев дека ќе се посветам на мојата меѓународна работа. Но, одеднаш враќањето на глумата се покажа како единствен начин повеќе да бидам дома и да заработувам повеќе пари“, објасни таа.
Додаде дека конечно се чувствува добро. „Мислам дека мојот борбен дух конечно се врати. Го изгубив некое време. Бев малку скршена, а се враќа благодарение на моите деца, кои сега се постари и ме охрабруваат“, заклучи таа.
