Летото е пред врата, а со него доаѓа и нов тренд кај костимите за капење кој сигурно ќе привлече големо внимание. За разлика од претходните години кога доминираа микро бикини и модели со исечоци кои откриваат премногу, оваа сезона хит се костимите за капење со здолниште.
Овој разигран и малку ретро модел носи доза на женственост и живост, но без претерана разголеност.
Романтичен стил за љубителите на винтиџ естетика
Доколку претпочитате романтичен изглед, вистински избор се моделите со кариран дезен или нежен цветен принт во пастелни тонови кои ја будат винтиџ носталгијата.
Текстуриран минимализам за шик изглед
За оние кои го сакаат минимализмот, одличен избор се еднобојните модели со нагласена текстура. Тие изгледаат исклучително шик и многу лесно се комбинираат со лесни ленени кошули за плажа.
