Деталите за свадбата на Тејлор Свифт и Тревис Келс тивко се појавуваат на социјалните мрежи, но самата пејачка сè уште не дала изјава.
Пејачката Тејлор Свифт и НФЛ играчот Тревис Келс се венчаа пред околу илјада гости на раскошна прослава што ја организираа во Њујорк. Познатата пејачка успеа сè да зачува во строга тајна, па затоа единствените детали што ги знаеме се од социјалните мрежи.
Меѓу гостите беа неколку играчи на Канзас Сити Чифс, вклучувајќи го и Треј Смит, кој ја донесе својата постара сестра Ешли Смит на свадбата како негова придружба. Подоцна таа откри на Инстаграм како го фатила бидермаерот.
„Ја прославив магичната љубовна приказна на Т&Т. И некако, на крајот го фатив букетот на Теј Теј. Затоа верувам дека ми носи цел живот љубов, среќа и смеа“, напиша Ешли.
Ешли, која носеше црн фустан со украсени детали и сандали со потпетици, а нејзиниот стил беше дизајниран од Сидни Кинслоу, не откри со кого од приближно 1.000-те гости се натпреваруваше да фати барем дел од букетот, објавува „People“.
Таа објави селфи на Инстаграм пред огледало додека држи цвеќе, како и фотографија од кревет на која држи дел од букетот во рака. Објавата исто така содржеше свадбен спомен, везена салфетка и фотографија на која позира со својот брат.
Специјално изработената салфетка со чипкани рабови беше извезена со текстот „So it’s gonna be forever“ од песната на Тејлор од 2014 година „Blank Space“, како и датумот и местото на свадбата, заедно со испреплетен монограм со буквата „Т“, што ги симболизира младенците.
