Тилан Блондо го кажа своето судбоносно „да“ на интимна церемонија во Париз, која повторно привлече големо внимание.
Тилан Блондо, француска убавица која двапати беше прогласена за „најубавото девојче на светот“, го кажа своето судбоносно „да“ само три месеци откако се појави веста за нејзината свршувачка.
25-годишната манекенка се омажи за својот партнер Бен Атал (29) на граѓанска церемонија одржана во 16-от арондисман во Париз во понеделник, објавува NY Post.
„Љубов“, напиша Блондо покрај приказната на Инстаграм во која таа и Атал, француски актер и диџеј, разменуваат нежни погледи додека ги изговараат своите брачни завети.
Тилан го надополни својот беспрекорен изглед со елегантна и ненаметлива шминка, а носеше уникатна венчаница од модната куќа Eva Bouskila Bridal. Фустанот, целосно бел и долг до подот, беше надополнет со елегантна кратка наметка преку рамената.
Таа го комплетираше својот луксузен изглед со пунџа украсена со ситни бели цветови, додека одеше по олтарот држејќи букет кремасти кали.
На само шест години, Блондо, ќерка на поранешниот фудбалер Патрик Блонд, стана светски позната откако списанието Vogue Enfants ја прогласи за „најубавото девојче на светот“ во 2006 година.
Ова престижно признание дојде кратко откако таа се појави на ревијата на Жан Пол Готје на само четири години.
До десетгодишна возраст, таа стана најмладиот модел што некогаш позирал за Vogue Paris.
