Кралицата Летиција од Шпанија доминираше на своето прво официјално појавување оваа година и уште еднаш им стави до знаење на сите дека во Европа нема подобро облечена жена од неа, освен можеби Кејт Мидлтон, која официјално е најдобро облечената жена од минатата година.
Сепак, кога станува збор за рециклирање на модата, Летиција можеби е неоспорна. Кралицата се појави во Мадрид на традиционалната воена парада во наметка што ја носела повеќе од десет пати, од 2016 година кога ја купила.
Станува збор за креација на Каролина Херера со тесна јака и крзно, што е совршено за сите сезони, освен за летото.
На ова безвременско парче, кралицата додаде елегантно црно здолниште и бела блуза, а комбинацијата ја заокружи со црни чевли.
Таа претходно ја стилизираше наметката со фустани, панталони и бројни други лелеави комбинации кои се карактеристични за шпанската кралица на стилот.
