Амал Клуни продолжува да плени со елегантни модни изданија, постојано одржувајќи го највисокиот стандард на стил.
Адвокатката за човекови права Амал Клуни беше фотографирана при пристигнувањето во Атина, Грција, облечена во бел костум составен од кратко сако и панталони со широки ногавици. Таа ја носеше оваа елегантно-лежерна комбинација на настан посветен на вештачката интелигенција, одржан во Храмот на Зевс.
Сепак, тоа не беше нејзиниот единствен монохроматски изглед тој ден. Подоцна, за време на средбата со претседателот на Грција, Константинос Тасулас, таа се одлучи за црвена комбинација составена од блуза со врзување околу вратот, во комбинација со сако и здолниште.
Амал неодамна се врати од Филмскиот фестивал во Венеција, каде што му се придружи на својот сопруг, Џорџ Клуни; тој ја доби наградата „Златен лав“ за животно дело за време на церемонијата на отворањето на фестивалот.
Со ова појавување, Амал уште еднаш докажа дека е неприкосновена кралица на стилот во секоја ситуација, без разлика дали станува збор за црвениот тепих или за деловен состанок.
Белиот костим е дефинитивно парче што секоја жена треба да го поседува – особено во ваков крој.
Постигнувањето на добар монохроматски изглед може да биде предизвик – а понекогаш дури и малку здодевно – но кога некој знае како правилно да го носи, нема потреба од грижа.
