„Добро сум“: Првата реакција на Расел Бренд по пресудата за силување

Британскиот актер и комичар Расел Бренд (51), кој вчера беше прогласен за виновен за силување и три сексуални напади, по изрекувањето на пресудата им покажал подигнат палец на своите адвокати и кратко им порачал: „Добро сум“, пренесува „Дејли стар“.

Поротата на судот „Саутварк“ во Лондон го прогласила Бренд за виновен за четири кривични дела извршени меѓу 2004 и 2009 година. Тој истовремено бил ослободен од обвиненијата по преостанатите три точки од обвинението.

Непосредно пред објавувањето на пресудата, Бренд се свртел кон сопругата Лора Галагер и ѝ рекол: „Те сакам“.

По пресудата му бил одреден притвор, во кој ќе остане до изрекувањето на казната во понеделник, 9 ноември. Судијата Џоел Бенатан го одбил неговото барање да биде пуштен со кауција, оценувајќи дека постои ризик од бегство.

„Прогласени сте за виновен за низа кривични дела, меѓу кои и силување. Поради тоа ве очекува значителна затворска казна“, му порачал судијата.

Бренд во текот на судењето ги негирал сите обвиненија.

Лондонската полиција потврди дека продолжува да истражува дополнителни пријави против актерот поднесени од уште две жени.