На скопскиот аеродром уапсен маж: пронајдени седум парчиња муниција при проверка на неговиот рачен багаж
Вчера околу 15:00 часот на Граничен премин Меѓународен аеродром Скопје, на излез од државата, полициски службеници го приведоа 46-годишниот А.Џ. од село Вртекица, скопско.
При проверка на неговиот рачен багаж биле пронајдени седум парчиња муниција калибар 9мм. Тој е задржан во полициска станица и по целосно документирање на случајот, против него ќе биде поднесена соодветна пријава.
