(Видео) Лукас Окампос – кандидат за „Пушкаш“

Аргентинскиот фудбалер Лукас Окампос ја истакна својата кандидатура за наградата „Ференц Пушкаш“ за најубав гол во сезоната, со потегот што го изведе претходната вечер на мексиканската Апертура.

Во натпреварот на неговиот Монтереј против Тихуана, Окампос изведе спектакуларни ножички.

Поранешниот играч на Севилја, како и на Монако, Олимпик Марсеј, Џенова и Милан, прими центаршут од десната страна и погоди во самиот агол од голот на противникот со удар над главата од околу 14 метри.

Тој гол беше за 3:2 на семафорот, но натпреварот на крајот заврши без победник, со резултат 3:3.

Сепак, потегот од 57-та минута многу брзо ја обиколи планетата и со причина се смета за еден од најубавите во 2026 година.

Foto/ depositphotos