(Видео) Магија на Меси во Атланта

Интер Мајами победи во дуелот со Атланта Јунајтед (3:1), а Лионел Меси блескаше и на овој натпревар.

Интер поведе на крајот од првото полувреме. Во 45-та минута, Луис Суарез испрати одличен центаршут, а Херман Бертераме ја реализираше шансата и го совлада голманот на домашниот тим со глава.

Второто полувреме му припадна на Меси. Во 56-та минута, Бертераме ја презеде улогата на асистент, додека аргентинскиот ас покажа зошто со години е кошмар за противничките одбрани. Тој речиси без отпор помина низ одбранбената линија на Атланта и рутински ја испрати топката зад Лукас Хохос.

Вториот гол беше исто така во негов стил, го „скрши“ противничкиот дефанзивец, а потоа рутински ја погоди мрежата.

Домашните успеаја само да го ублажат поразот до крајот. Резервниот играч Фафа Пико беше прецизен од пенал.

Foto/ Depositphotos