Арагчи се закани: „Иран е уште посилен, и ние имаме недовршена работа“

Иранскиот министер за надворешни работи Сејед Абас Арагчи ги предупреди САД и Израел, велејќи дека нивните претходни обиди да ја „завршат работата“ против Исламската Република само го направија Иран посилен.

Потоа додаде дека израелскиот премиер Бенјамин Нетанјаху ги влече САД во уште една војна само за да не заврши во затвор.

„Последниот пат кога сакавте да ја „завршите работата“, Иран излезе од неа уште посилен. Дали сакате повторно да си ја пробате среќата? Само напред. Но, бидете внимателни – и ние имаме недовршена работа“, напиша Арагчи на мрежата Икс синоќа.

Нетанјаху, како што изјави, ги влече САД во уште една војна само за да не заврши зад решетки, „без разлика какви се последиците за Израел – а камоли за претседателот на САД“.

Тој го кажа ова додека Нетанјаху, кој е баран од Меѓународниот кривичен суд за злосторства против човештвото, продолжува да охрабрува понатамошна воена конфронтација со Иран во услови на растечки домашни правни проблеми и политичка криза, според иранската „Прес ТВ“.