(Фото/Видео) Во „море од голотија“, таа е вистинско освежување во светот на модата

Шведскиот модел Елса Хоск им се придружи на дамите со беспрекорен стил на еден голем настан во Лос Анџелес. Нејзината комбинација беше вистинска дефиниција за модерен гламур.

Елса Хоск важи за еден од најбараните модели во светот, која ги плени набљудувачите со својот поглед. Таа се прослави како „ангел“ на Victoria’s Secret, маѓепсувајќи ја публиката со својот сензуален од и движења. Викендов, во Музејот на уметност во Лос Анџелес (LACMA), таа ја оправда таа репутација; за хуманитарната гала-вечер „LACMA Art + Film“, таа избра облека што зрачеше со модерен гламур.

Елса се одлучи за скулптурален фустан до подот со дискретен израз на деколтето. Дизајнот се издвојуваше по нагласените детали кај колковите – кои ја истакнаа нејзината силуета – како и по длабокиот шлиц што ги откриваше нејзините витки нозе.

Овој префинет и ненаметлив изглед таа го надополни со минималистички модни додатоци, додека внимателно избраната шминка дополнително го привлекуваше вниманието.

Таа носеше сребрени и сиви нијанси кои ги истакнаа нејзините сини очи и совршено се вклопија со темносивиот фустан. Што се однесува до фризурата, таа се одлучи за крупни, волуменозни локни, доловувајќи го класичниот гламур на „стариот Холивуд“.

Навистина, нејзиниот ненаметлив изглед претставуваше вистинско освежување за светот на модата.