Северна Кореја спроведува нов воен тест: Крстосувачки ракети се лансирани од подморница

Северна Кореја вчера тестираше два вида стратешки крстосувачки ракети лансирани од подморници. Државните медиуми вчера вечер објавија дека целта била да се проверат оперативните способности на морнарицата и доверливоста на нејзините системи за одвраќање.

Според новинската агенција KCNA, на тестирањата, кои се одвиваа во водите кај источниот брег на земјата, присуствуваа високи воени претставници. Агенцијата не даде дополнителни детали за самите ракети или за лансирањето, но наведе дека тестирањето не ја загрозило безбедноста на соседните држави.

Клучен воен приоритет
Северна Кореја интензивно работи на модернизација на своите подморници и на развој на балистички и крстосувачки ракети, при што спроведува тестирања од различни платформи, вклучително и од една постара подморница.

Се проценува дека Пјонгјанг сè уште нема распоредено целосно оперативна, модерна подморница опремена со ракети – што претставува клучен воен приоритет за лидерот Ким Џонг Ун. Тој лично го надгледува развојот на цела палета стратешки балистички и крстосувачки ракети.