(Видео) 15 планинари исчезнаа откако „застрашувачки“ поплави го погодија Гранд Кањон

Во Гранд Кањон во тек е потрагата по околу 15 планинари кои исчезнаа откако ненадејните поплави зафатија делови од кањонот во саботата. Поплавите започнаа околу 14:30 часот по локално време во областите Брајт Ангел Кањон и Фантом Ранч, соопшти Службата за национални паркови (NPS), според Би-Би-Си.

Досега, 62 лица се префрлени на безбедно со хеликоптер, а операцијата продолжува. Според достапните информации, никој не е повреден. NPS првично објави дека бара повеќе од 20 лица, но подоцна го намали тој број на околу 15. Поплавите предизвикаа голема штета во некои области, а патеките се затворени.

„Луѓето врескаа и трчаа“
Ники Багс (41), која беше евакуирана со хеликоптер со двајца пријатели, ја опиша ситуацијата како застрашувачка. „Беше прекрасен ден, а потоа луѓето почнаа да врескаат и да трчаат“, изјави таа за Би-Би-Си.

Објасни дека таа и нејзините пријатели штотуку ги оставиле своите работи во колибата Фантом Ранч, прениќиште на дното на кањонот, и планинареле по прекрасно време. Кратко потоа, областа беше преплавена од ненадејна поплава.

Предупредување за нови бури
Службата за национални паркови ги повика сите што имаат информации за планинарите кои биле во внатрешноста на кањонот покрај Брајт Ангел во саботата да се јават.

Тие исто така предупредуваат дека за недела и понеделник се најавени нови бури со обилни дождови. Ова може да предизвика нови ненадејни поплави, лизгање на земјиштето, одрони на карпи и промени во патеките и реките.

Гранд Кањон е еден од најпосетуваните американски национални паркови, со околу пет милиони посетители годишно. Патеката Брајт Ангел погодена од поплавите е најпопуларната рута во паркот.