(Видео) Иранците објавија снимка: „Танкер со два милиона барели нафта налетал на мина“

Иранската револуционерна гарда соопшти дека избувнал пожар на нафтен танкер во Ормускиот теснец, откако тој налетал во поморска мина. Според нивните наводи, пожарот настанал во машинското одделение на бродот по експлозија.

Во официјалното соопштение, пренесено од иранските државни медиуми, се наведува дека танкерот се движел по „неовластена јужна рута“ низ теснецот. Исто така, се додава дека системите за позиционирање и навигација на бродот биле исклучени.

Командантот на поморските сили на Иранската револуционерна гарда, адмирал Али Озмаеи, оваа недела изјави дека секој брод што ќе ги исклучи своите навигациски системи ќе се смета за непријателски.