(Видео) Летаа столови, тупаници и клоци: општа тепачка во ерменскиот парламент
Денес во ерменскиот парламент избувна масовна тепачка помеѓу претставници на владејачката партија и опозицијата. Пратениците се удирале со тупаници и клоцале меѓусебно, фрлале столови и превртувале маси. Неколкумина биле повредени, а обезбедувањето морало да интервенира.
Судирот избувнал за време на дебатата за назначување член на Комората на ревизори, телото кое го надгледува трошењето на јавните пари. Во тепачката учествувале претставници на владејачката партија„Граѓански договор“ на премиерот Никол Пашинјан и опозициската партија „Силна Ерменија“.
Сè започнало со навреди кон семејството на лидерот на опозицијата
Според извештаите на ерменските медиуми, судирот започнал за време на говорот на претставникот на владејачката партија, Тарон Чахојан, кој коментирал за политичкиот ангажман на членовите на семејството на лидерот на опозицијата Нарек Карапетјан.
Карапетјан почнал да му фрла навреди од пратеничката клупа, по што претставниците почнале да се навредуваат меѓусебно. Набрзо станале од своите места и почнале физички да се тепаат.
Пратеникот од опозицијата, Андраник Геворгјан, доживеа крварење од носот по тепачката, додека на неговиот колега Рубен Мхитарјан му беше искината облеката. Во парламентот беше повикана брза помош, но службата подоцна објави дека повикот не резултирал со пружање медицинска помош.
Претседавачот на седницата, Рубен Рубињана, првично не сакаше да ја прекине дебатата, велејќи им на пратениците дека сака јавноста да го види нивното однесување.
„Намерно не прогласувам пауза за да можат сите да видат што се случува“, рече Рубињана, повикувајќи ги пратениците да одлучат дали да продолжат да се тепаат или да се вратат на своите места.
Како што продолжи судирот, седницата беше прекината и беше повикано обезбедување. Тепачката продолжи во ходниците на парламентот.
Ерменскиот премиер Никол Пашинјан го осуди насилството, но ја обвини опозицијата за судирот и ги поддржа постапките на пратениците од неговата партија.
Зборувајќи за фрлањето стол од страна на неговиот сопартиец врз пратениците од опозицијата, Пашинјан рече дека таквата реакција била пропорционална и оправдана.
Ова е втор физички судир меѓу пратениците од власта и опозицијата во ерменскиот парламент во октомври. Сличен инцидент се случи и на 6 октомври, кога мораше да интервенира и обезбедувањето.
