Четврток, 19 ноември 2026МаркетингКонтакт
Пребарај

(Видео) Украина повторно го нападна Кримскиот мост: Русите го затвораат сообраќајот

Кримскиот мост, кој го поврзува окупираниот Крим со Русија, повторно беше нападнат во текот на ноќта кон четвртокот, а сообраќајот преку него беше запрен. Ова го потврди Сергеј Аксјонов, шефот на руската окупациска администрација на Крим, според „Гардијан“, „Украинска правда“ и руската новинска агенција „Интерфакс“.

„Поради уште еден напад врз Кримскиот мост, сообраќајот е привремено запрен. Сите надлежни служби се на терен и ја проценуваат штетата“, соопшти Аксјонов.

Ова е трет напад врз стратешки важниот мост од почетокот на неделата, откако украинските сили претходно тешко го оштетија неговиот патен дел. Сè уште не е познато дали во последниот напад е причинета дополнителна штета.

X (Twitter)

Following renewed Ukrainian strikes against the Kerch Bridge a key GLOC connecting the Russian-occupied Crimea peninsula to Russia, Russian-installed Governor of Crimea Sergey Aksyonov has said that traffic on the bridge has “been temporarily suspended” and that an “assessment of the damage is underway.”

— OSINTdefender (@sentdefender) November 18, 2026

Погледни на X

Оддекнаа најмалку 15 експлозии, а цел наводно бил железничкиот дел.

Според извештаите на украинскиот портал „Слово и Дило“, кој се повикува на локални жители и канали за следење на воените активности, во текот на ноќта во областа Керч се слушнале бројни експлозии.

Првите експлозии, наводно, се случиле околу 00:50 часот по московско време. Жителите пријавиле најмалку 15 до 16 експлозии, прелетување на проектили и силни блесоци во близина на мостот.

„Украинска правда“ пренесува дека, според неофицијални информации, биле изведени два удара врз железничкиот дел од Кримскиот мост.

Оваа информација сè уште не е независно потврдена. Нема официјални податоци за видот на употребеното оружје или за евентуални нови оштетувања на мостот.

Поврзани вести