(Фото) Ким Кардашијан направи хаос на улиците во Рим
Ким Кардашијан уште еднаш успеа да го привлече вниманието на јавноста со смела модна комбинација. Таа се појави среде бел ден во фустан што откриваше навистина многу – особено нејзините гради.
Според пишувањата на меѓународните медиуми, возбудата околу неодамнешниот 46-ти роденден на славната Ким Кардашијан сè уште не стивнува. Овој пат таа беше забележана во Рим, каде што посетила бутик на Bvlgari за да се почести со скапоцен накит.
Сепак, најголемо внимание привлече нејзиниот избор на облека за оваа пригода – тесен фустан што не оставаше многу простор за имагинација.
Ѕвездата од реалните шоуа се одлучи за припиен бел фустан што го следеше нејзиното тело, истакнувајќи ја нејзината завидна фигура. Длабокото деколте ги нагласуваше нејзините гради, додека отворениот грб му даваше дополнителна „зачинета“ нота на нејзиниот впечатлив изглед.
Таа го заокружи својот изглед со елегантно високо опавче и шминка во темни тонови, кои дополнително ја истакнаа нејзината убавина.
Во моментот кога беа направени фотографиите, Ким беше опкружена со толпа луѓе, што им овозможи на фотографите да направат неколку интригантни снимки – фотографии кои со молскавична брзина се проширија на социјалните мрежи…
