(Фото/Видео) Сопругата на Роналдо ги истакна своите облини: Мини-фустанот остави малку простор за имагинацијата

Георгина Родригез се појави во нова кампања за брендот Calzedonia, привлекувајќи го вниманието на светот со својот стил.

Позната по своите заводливи облини, Георгина Родригез уште еднаш ја воодушеви јавноста со своите модни избори. Таа е заштитно лице на новата кампања за италијанскиот бренд Calzedonia, за која облече неколку смели модни парчиња.

Кампањата е снимена пред монументална градба, а во центарот на оваа есенска колекција се наоѓаат хулахопките. Самата Георгина сподели фотографии од снимањето на својот профил на Инстаграм, прикажувајќи неколку различни комбинации.

Најпрво ја видовме во монохроматско издание – сив мини-фустан што ги истакна нејзините витки нозе. Сепак, најголемо внимание привлече втората комбинација, во која славната сопруга на Кристијано Роналдо се појави во поатрактивно издание.

Таа се одлучи за црн фустан од тантела, искомбиниран со соодветни хулахопки од тантела; целиот изглед го нагласи нејзиниот сексапил и зачудувачки изглед.

Корисниците на социјалните мрежи беа подеднакво воодушевени, преплавувајќи ја со позитивни коментари за нејзиниот изглед. Многумина ја опишаа како „убава“, а некои дури ја нарекоа нејзината убавина „нереална“.