(Видео) Роберт де Ниро главна тема на социјалните мрежи: се појави со својата партнерка, 36 години помлада од него
Роберт де Ниро стана главна тема на социјалните мрежи откако се појави во јавноста со својата партнерка, која е 36 години помлада од него.
Роберт де Ниро (83) и неговата партнерка, Тифани Чен (47), присуствуваа на премиерата на филмот „Focker-in-Law“ во Њујорк. Иако настанот привлече бројни ѕвезди од светот на забавата, сите погледи беа вперени во нив. За оваа пригода, парот се одлучи за нешто поопуштена облека.
Додека Де Ниро носеше едноставни парчиња – панталони од сомот во комбинација со темно сива ролка и црно сако – неговата партнерка Тифани се одлучи за малку поформален изглед.
Таа носеше впечатлив син фустан со кариран дезен и опуштен, поширок крој. Комбинацијата ја надополни со темно сив џемпер и чанта, а изгледот го заокружи со едноставно врзана коса во опавче.
Што се однесува до шминката, таа се држеше до природен стил, користејќи земјени тонови и минимално количество козметички производи.
Де Ниро и Тифани ја започнаа својата врска во 2021 година, а во 2023 година ја добија ќерката Џија. Веста за приновата во семејството беше изненадување за многумина, бидејќи актерот претходно јавно не зборуваше за бременоста на својата партнерка, ниту пак за фактот дека очекува седмо дете во толку длабока старост.
