Во друштво на убавата свршеница помлада од него 44 години: Мик Џегер не крие дека е лудо вљубен

Мик Џегер и Мелани Хамрик ретко се појавуваат во јавноста, а секогаш кога ќе го сторат тоа, разликата во нивните години станува главна тема на разговор…

Славниот Мик Џегер и неговата свршеница, Мелани Хамрик, имаа ретко заедничко појавување во јавноста, присуствувајќи на хуманитарен настан чиј домаќин беше Алан Каминг, во хотелот „The Chancery Rosewood“ во Лондон.

Парот, кој е заедно од 2014 година, а се сврши во 2023 година, ја помина вечерта на настанот организиран за собирање средства за организациите „Battersea Dogs & Cats Home“ и „Pets As Therapy“.

Легендарниот рокер од групата „Ролинг Стоунс“, кој има 83 години, изгледаше многу елегантно во кадифено сако, облечено врз црно-бела кошула со дезен.

Од друга страна, Мелани (39) се одлучи за едноставна, но многу шик комбинација во целосно црна боја, надополнета со златна чанта. Двојката изгледаше посреќно од кога било на настанот, кој собра бројни славни личности, волонтери и љубители на животни со цел да се соберат неопходни средства за две хуманитарни организации.

Мик и Мелани се заедно 12 години, но дури во април оваа година таа откри дека се свршиле две или три години претходно. Во 2016 година, двојката доби син, Деверо Октавијан Бејзил – првото дете на Мелани и осмото на Мик.