Уште една од модните комбинации на Лорен Санчез стана главна тема на интернет. Самопрогласените модни критичари на платформата X не беа благи во своите коментари за нејзиниот избор на облека за еден настан во Белата куќа.
Џеф Безос и Лорен Санчез неодамна присуствуваа на свечена вечера во Белата куќа, организирана во чест на кинескиот претседател Ши Џинпинг. Лорен го привлече вниманието на јавноста и поттикна уште една дебата на интернет поради својот избор на облека; таа се појави во припиен црн фустан со спуштени раменици.
Фустанот, креација на Александар Меквин, се одликува со длабоко деколте, додека останатите детали се сведени на минимум. Поточно, фустанот со крој „сирена“ има минималистички дизајн, со што фокусот се префрла од еднобојниот изглед на нејзиното деколте.
Фустанот совршено ја истакна витката фигура на Лорен, а таа го комплетираше изгледот со дијамантски ѓердан и обетки.
Jeff Bezos’ wife gets criticized online for ‘inappropriate’ and ‘revealing’ dress while attending the state dinner at The White House.
Lauren Sanchez wore a black gown with a plunging neckline- with some social media users branding it ‘completely inappropriate’ for the occasion. https://t.co/ucK0J85Jxu
— Oli London (@OliLondonTV) September 26, 2026
Сепак, нејзиниот избор на фустан не ги задоволи стандардите на „модните критичари“ на X. Многумина истакнаа дека ваквиот стил на облекување е „несоодветен за државна вечера“ и дека „со пари не може да се купи стил“.
„Зачувај малку достоинство, побогу. Ова е државна вечера, а ти имаш 56 години“, гласеше коментарот на еден корисник на X, додека друг додаде: „Таа сака да го истакнува своето деколте“.
Сепак, овој пат имаше и такви кои застанаа во нејзина одбрана. „Тој фустан е всушност прилично конзервативен во споредба со нејзините претходни катастрофални модни изданија“, вели едно лице.
„Мислам дека овој пат избра навистина добар фустан“, истакна друг.
