Барселона без Олмо во Ел Класико

Играчот од средниот ред на Барселона, Дани Олмо (27), се повреди на натпреварот од третото коло на Лигата на шампионите против ПСЖ, кој каталонскиот клуб го загуби со 4:2.

Олмо мораше да го напушти теренот во 29-тата минута од натпреварот на „Пркор на принцовите“. По дуелот со Витиња, тој остана да лежи на тревникот, а потоа ја напушти играта со болна гримаса. Фермин Лопез влезе на негово место.

Шпанските медиуми пишуваат дека станува збор за можна руптура на адукторните мускули на левата нога, поради што речиси сигурно ќе го пропушти неделниот Ел Класико против Реал Мадрид. Доколку се потврдат првите проценки, Олмо би можел да отсуствува четири до пет недели.

Во среда, Олмо ќе биде подложен на магнетна резонанца во Барселона, по што ќе биде позната точната дијагноза и очекуваното времетраење на закрепнувањето.

Повредата доаѓа во незгоден момент за тренерот Ханси Флик, чиј тим ќе биде домаќин на Реал Мадрид во десеттото коло од шпанското првенство, на 25 октомври.

Барселона веќе има проблеми со повредите. Ерик Гарсија и Андреас Кристенсен нема да бидат достапни, додека настапот на Жил Кунде, кој има проблеми со глуждот, е под знак прашалник.

Олмо се етаблираше во тимот на Флик оваа сезона, а натпреварот против ПСЖ беше неговиот јубилеен 100-ти настап за Барселона. Пред повредата, тој одигра 44 последователни натпревари за каталонскиот клуб.

Foto/ Depositphotos