Денвер Нагетс го договорија Дерозан

Денвер Нагетс завршија голема работа пред почетокот на новата НБА сезона, Демар Дерозан се согласи да соработува со тимот предводен од српскиот ас Никола Јокиќ.

Како што објави познатиот НБА инсајдер Шамс Чаранија, шесткратниот Ол-стар ќе потпише едногодишен договор вреден 3,9 милиони долари, па Денвер ќе добие огромно искуство и уште еден играч способен да креира поени во нападот.

Информацијата потоа беше пренесена од официјалните канали на НБА лигата. Дерозан пристигнува во Колорадо по две сезони со Сакраменто Кингс. Иако наполни 38 години, тој минатата сезона имаше просек од 18,4 поени, 4,1 асистенции и 2,9 скока во 77 натпревари, шутирајќи речиси 50 проценти од поле.

Тој е еден од најискусните активни НБА играчи, кој има 17 сезони во најсилната лига во светот, шест Ол-стар настапи и повеќе од 26.000 поени.

Foto/ Depositphotos