(Видео) Ветеранот Муслера ја замолкна „Маракана“ – Естудијантес ќе се бори за трофејот во Копа Либертадорес

Естудијантес и Палмеирас ќе играат во финалето на Копа Либертадорес за оваа сезона.

Аргентинскиот тим го елиминираше Фламенго, актуелниот владетел на Јужна Америка, по подобро изведување на пенали.

Двата натпревари завршија 0:0, а херој на победата на тимот од Ла Плата е 40-годишниот голман Фернандо Муслера.

Уругваецот ги одбрани ударите на Жоржињо, Пакета и Енрике во пенал рулетот и го водеше својот тим до триумф од 3:2 и пласман во натпреварот за титулата.

Ден претходно, Палмеирас го елиминираше Флуминенсе во бразилското полуфинале, иако загуби со 1:0 во вториот натпревар. Тимот од Сао Паоло го доби првиот натпревар со 3:0.

Естудијантес последен пат беше континентален шампион во 2009 година, а Палмеирас во 2011 година. Последните седум трофеи ги освоија тимови од Бразил.