Савињо официјално стана играч на Тотенхем

Фудбалскиот клуб Тотенхем денес потврди дека потпишал договор со поранешниот играч на Манчестер Сити, Савињо.

Според британските медиуми, трансферот е вреден 75 милиони фунти, со дополнителни десет милиони фунти во бонуси.

Савињо пристигнува во Тотенхем по две сезони поминати во Сити, со кого ја освои Лигата и ФА Купот. Тој одигра 84 натпревари за Сити и забележа седум гола и 16 асистенции.

Би-Би-Си потсети дека овој трансфер бил во тек повеќе од 12 месеци, откако Тотенхем не успеа да го потпише минатото лето.

Овој 22-годишен Бразилец ја започна својата кариера во Атлетико Минеиро, а потоа се пресели во Троа во 2022 година, како позајмен играч настапуваше за ПСВ Ајндховен и Џирона.

Foto/ Depositphotos