Маж од Индија лажно пријавил киднапирање на авион бидејќи не сакал да се одвои од сопругата

Маж од Индија е уапсен поради лажно пријавување на киднапирање на авион на „Ер Индија“, откако во тоалетот на авионот е пронајдена порака во која се наведува дека авионот ќе биде киднапиран, бидејќи не сакал да се одвои од сопругата.

Полицијата соопшти дека осомничениот, Парта Пратим Нанди, признал дека оставил заканувачка порака во тоалетот на авионот, а како причина навел дека во последен момент не сакал да ја напушти болната сопруга и да оди на работа во странство, пренесува „Индија експрес“.

Според полицијата, Нанди требало да го продолжи своето патување во странство од Мумбаи, каде што го чекала работа.

Меѓутоа, непосредно пред полетувањето, сфатил дека не сака да ја остави сопругата, која е во лоша здравствена состојба, и решил да се врати дома.

За да го спречи летот, напишал заканувачка порака на бела картичка и ја оставил во тоалетот на авионот, надевајќи се дека летот ќе биде откажан.

Тој им рекол на полицајците дека во тој момент „не бил во соодветна ментална состојба“.

Форензичката анализа потврдила дека ракописот на пораката е негов, а полицијата пронашла и неколку бели картички слични на оној на кој била напишана заканата врз осомничениот.

Како мерка на претпазливост, авионот бил преместен во изолирана зона, а членовите на безбедносните служби го опколиле авионот и извршиле детален преглед.

Сите 105 патници биле испрашувани, при што Нанди бил идентификуван како осомничен и приведен.

Авионот полетал откако биле спроведени безбедносните процедури и биле добиени потребните дозволи неколку часа, повеќе од седум часа по закажаното време, пренесува Танјуг.