Apple изненади со одлука: Се спои со кинески гигант, нова функција пристигнува на телефоните

Корисниците и програмерите во Кина конечно добиваат пристап до паметни функции, иако со едно клучно прилагодување за да се усогласат со локалните закони, а преку партнерство со еден домашен гигант.

Apple започна со тестирање на своите алатки за вештачка интелигенција на кинескиот пазар, речиси две години по нивното лансирање во Соединетите Држави.

Засега, тестирањето на пакетот AI функции на Apple, кои работат директно на уредите, е ограничено само на програмери; компанијата наведе дека пошироката јавност ќе добие пристап во декември, како што пренесува Euronews.

Во моментов се достапни 18 функции, вклучително и превод на телефонски разговори во реално време, како и алатки за сумирање и лекторирање на пораки.

Воведувањето во Кина беше одложено поради строгите прописи на земјата во однос на оваа технологија.

За да обезбеди усогласеност со прописите на Пекинг, Apple го искористи моделот „Qwen“ на Alibaba, со цел да интегрира помоќни AI функции во своите уреди.

Qwen претставува серија отворени AI модели и AI асистенти, развиени од кинескиот гигант за е-трговија и cloud, Alibaba.

Apple не е првиот западен бренд што стапува во партнерство со Alibaba; претходно тоа го сторија и BMW и Mercedes.

Според кинеските прописи, давателите на AI услуги се обврзани да се регистрираат кај државниот регулатор за интернет, да користат локални центри за податоци и да ги обработуваат податоците во рамките на Кина.