Apple ги претстави новите деловни услови за ЕУ по барањата наметнати од Законот за дигитални пазари (DMA), а Европската комисија ги поздрави промените и најави дека ќе го следи нивното спроведување.
Најголемата промена се однесува на укинувањето на контроверзната „Core Technology Fee“, на нејзино место Apple воведува систем на провизии од 5 до 26 проценти, во зависност од тоа како програмерите ја користат нејзината платформа и ги дистрибуираат апликациите.
Европската комисија вели дека новите услови се резултат на интензивен дијалог со Apple и дека корисниците во ЕУ мора да имаат вистински избор кога станува збор за алтернативни продавници за апликации и методи на нивна дистрибуција.
Сепак, Epic Games останува еден од најголемите критичари на политиката на Apple. Компанијата верува дека Apple сè уште го крши духот на регулативата DMA со наплаќање такси за купувања направени надвор од апликацијата App Store.
Правната битка меѓу двете компании продолжува, и покрај позитивната оценка на Европската комисија за најновите промени во деловните правила на Apple.
