(Фото) Таа беше најубавиот „ангел“ на „Victoria’s Secret“, а потоа исчезна: Миранда Кер откри зошто одбила да се појави на ревијата за долна облека

Познатата манекенка Миранда Кер конечно проговори, откривајќи зошто одбила да учествува на овогодинешната модна ревија на реномираниот бренд „Victoria’s Secret“.

Миранда Кер беше еден од најубавите „ангели на Victoria’s Secret“, но подоцна одлучи да направи пауза од манекенството за да се посвети на мајчинството. Овој октомври, по пауза од речиси десет години, таа се врати на модната писта за ревијата на дизајнерката Стела Макартни, во рамките на Модната недела во Париз.

Во подкастот „Not Skinny But Not Fat“, таа сподели дека, иако уживала повторно да влезе во улогата на манекенка, исто така објасни зошто ја одбила понудата повторно да ги стави „ангелските крилја“ оваа година. Таа истакна дека поканата од „Victoria’s Secret“ предизвикала „помешани чувства“ – конкретно, чувство на непријатност при помислата повторно да чекори по пистата во долна облека.

„Сите се во долна облека, и јас сум во долна облека – имам 43 години и четири сина. Почувствував стегање во стомакот“, рече таа, додавајќи дека почувствувала олеснување откако ја одбила понудата.

„Тоа беше тогаш, а ова е сега. Се наоѓам во поинаква фаза од мојот живот“, заклучи таа.